Dasal (Sa Gitna Ng Panganib)

Panalangin ko lamang sa inyo

Dumadaloy pa ba ang dugo sa ‘ting ugat
Naghilom na ba ang sugat ng ating nakaraan?
Ang bawat isa sa atin ay mandirigma
Imperyo ng kadiliman ating magigiba

Panalangin ko lamang sa inyo
Wala sa ‘ting banal
Ito’y aking dasal

At tayo’y magwawagi, hindi magagapi
Hakbang patungong liwanag, sa bawat sandali
Sapagkat tayong lahat ay lalong lumalakas
Sandata’y puso’t isipan, at hindi dahas

‘Di tayo matitinag sa patalim ng kaaway
Sa pagkagapos ng lungkot, sa hirap ng kalooban
Sa pangil ng pagkapoot

Sapagkat nanlilisik ang mata ng parating na panganib
Katotohanan sa sarili matatagpuan

Panalangin ko lamang sa inyo
Wala sa ‘ting banal
Ito’y ating dasal

Music: J. Constantino
Lyrics: R. Africa
Arrangement: T. Marcelino, V. Del Rosario, J. Constantino